«Հին Շենի հետ կապված որոշակի լարվածություն է եղել». Տիգրան Ավինյան
«Արցախի Հին Շեն համայնքի հետ կապված խնդիրների վերաբերյալ որոշակի լարվածություն է եղել»,- այս մասին այսօր՝ Կառավարության նիստի մեկնարկին, հայտարարեց փոխվարչապետ Տիգրան Ավինյանը:
«Այս պահի դրությամբ առկա է միջդիրքային հաղորդակցություն, սակայն խնդիրն ամբողջապես հանգուցալուծված չէ»,- ասաց Ավինյանը՝ նշելով, որ բայց այդ հատվածում տեղակայված են նաև ռուս խաղաղապահ զորքերը»:
«Ակնկալում ենք, որ մոտակա ժամանակներս Հին Շենի հետ կապված հարցում կունենանք վերջնական հանգուցալուծում»,- ասաց Ավինյանը:
Փոխվարչապետը նշեց, որ պաշտպանության նախարարն այս պահին գտնվում է Սյունիքում:
«Սահմանապահ զորքերը իրականացնում են տեղակայման աշխատանքներ Սյունիքի մեր սահմանների երկայնքով»,- հավելեց նա:
