Ռուսաստանը 1200 տոննա օգնություն է ուղարկում Արցախ. Առաջին երեք վագոններն արդեն տեղ են հասել
54 մարդասիրական վագոններից առաջին 3-ն արդեն Արցախում են: Այս մասին հայտնում են ՌԴ ԱԻՆ մամուլի ծառայությունից:
Ավելի վաղ հայտնվել էր, որ Ռուսաստանի 8 երկրամասերից 54 վագոն մարդասիրական օգնություն է ուղարկվում Արցախ՝ ընդհանուր 1200 տոննա քաշով:
Առաջին երեք վագոնները՝ 80 տոննա, արդեն Արցախում են: Դրանք առաջին անհրաժեշտության ապրանքներ են:
Մյուս վագոններում լինելու են շինանյութ, էլեկտրակայան, հրդեհաշիջման ավտոմեքենաներ, ինչպես նաև կենցաղային պարագաներ:
