Ամենամյա մեծ մամուլի ասուլիսի ժամանակ ՌԴ նախագահ Վլադիմիր Պուտինը պատասխանել է ընդդիմադիր գործիչ Ալեքսեյ Նավալնիի թունավորմանն առնչվող հարցին։

«Ինչո՞ւ պետք է մենք նրան թունավորեինք։ Դա ծիծաղելի է։ Եթե պետք լիներ, գործը մինչև վերջ կհասցվեր։ Քանի որ նրա կինն ինձ դիմեց, ես նույն պահին կարգադրեցի դուրս գրել նրան և ուղարկել Բեռլինի հիվանդանոց։ Դա հնարք է որոշակի մակարդակի հասնելու համար, ասելու՝ ինձ վերաբերվեք ինչպես համազգային մասշտաբի մարդու։ Քաղաքական պայքարի այդ հնարքը կիրառվում է ամբողջ աշխարհում։ Սակայն նման հնարքներից պետք չէ օգտվել, հարկավոր է սեփական արժեքն ապացուցել կա՛մ կոնկրետ գործերով, կա՛մ կոնկրետ ծրագրով, որը իրատեսական կլինի և կկիրառվի այս երկրում»,- ասել է Պուտինը։