Քիչ առաջ Ռուբեն Մելիքյանը հայտարարեց, որ զինվորական դատախազ Վահե Հարությունյանը դատախազության առջև բողոքի ակցիա իրականացնող իրավաբաններից երեք հոգու հրավիրել է դատախազություն՝ հանդիպման, որպեսզի իրավաբաններն իրենց հուզող հարցերն ուղղեն դատախազին, սակայն իրավաբանները նպատակահարմար չեն համարել, որ մոտ երեսուն հոգուց երեքը միայն հանդիպում ունենան դատախազի հետ: Ուստի առաջարկել են դատախազին, որ ինքն իջնի և դրսում հանդիպի իրավաբաններին, սակայն Հարությունյանը հայտարարել է, որ նպատակահարմար չի համարում և չի կարող իջնել:
«Մենք այս մոտեցումն ընդունում ենք ի գիտություն և հայտարարում ենք, որ նույն օրակարգով այսօր՝ ժամը 16:00-ին գնալու ենք Գլխավոր դատախազություն և խնդրելու ենք, որ գլխավոր դատախազն իջնի և պատասխանի իրավաբանների հարցերին»,- նշեց Ռուբեն Մելիքյանը:

Հիշեցնենք, որ մի խումբ իրավաբաններ զինվորական դատախազության առջև ակցիա էին իրականացնում: Նրանք հավաքվել էին պարզելու, թե պատերազմից մեկուկես ամիս անց ինչ քայլեր են ձեռնարկվել և մի շարք ի հայտ եկած հանգամանքների հիման վրա արդյոք հարուցվել են քրեական գործեր, և եթե հարուցվել են, ապա ինչ փուլում են և ինչու հանրությունը տեղյակ չէ դրա մասին