Արցախում հրադադարի ռեժիմը խախտվել է մեկ անգամ, հույս ունեմ, որ այլևս նման բան չի լինի, կհաջողվի նստել բանակցային սեղանին: Այս մասին իր ամենամյա մեծ ասուլիսի ժամանակ հայտարարել է ՌԴ նախագահ Վլադիմիր Պուտինը։

«Կարևոր չէ՝ դա կլինի մեր կամ Մինսկի խմբի միջնորդությամբ, կարևոր է, որ գործընթացը սկսվի և լինի դրական արդյունք»:

Պուտինը նաև հույս է հայտնել, որ միջազգային միջնորդները խոսքից կանցնեն գործին ու կսկսեն օգնել օգնության կարիք ունեցող մարդկանց, առաջին հերթին Ղարաբաղ վերադարձող մարդկանց, որ ոչ միայն Ռուսաստանը կանի դա՝ այնտեղ ուղարկելով մարդասիրական օգնություն. «Մենք մեր կողմից պատրաստ ենք շարունակել այդ աշխատանքը»։