Անդրանիկ Թևանյանը՝ «ցուցարարներին 5000 դրամ բաժանելու» լուրերի մասին
«Պոլիտէկոնոմիա» հետազոտական ինստիտուտի տնօրեն Անդրանիկ Թևանյանն այսօր «Արժանապատվության երթի» ժամանակ անդրադարձավ տարածվող այն լուրերին, թե «ակցիայի մասնակիցները դուրս են գալիս փողոց 5000 դրամի համար»:
«Փաշինյանը պաթոլոգիկ ստախոս է: Այնպիսի ստախոս, որ իր բուծած ֆեյքերն են դա տարածում: Ես ստախոսին հակադարձում տալու որևէ իմաստ չեմ տեսնում: Ինքներդ էլ տեսնում եք՝ մարդիկ, լինի անձրև, ձյուն, թե տաք եղանակ, դուրս են գալու փողոց, որովհետև մենք ավելի լավ է պայքարենք անձրևի ու ձյան տակ, քան վաղը, մյուսը օրը Երևանում երկնքից դիմավորենք անօդաչու թռչող սարքերին ու հրթիռներին: Ավելի լավ է հիմա այս ծանր պայմաններում պայքար մղենք, քան հետո Երևանում փորձենք հասկանալ՝ որտեղով է անցնում GPS գիծը»,- լրագրողների հետ զրույցում ասաց Թևանյանը:
