Երեխաս 6 տարեկանից անհայր է մնացել։ Հայրն ազատագրել է հողեր, ստացել է ազգային հերոսի կոչում, իսկ այսօր մի գրչի հարվածով Նիկոլ Փաշինյանը տվեց այդ բոլոր հողերը։ Այս մասին սևազգեստ մայրերի մամուլի ասուլիսին հայտարարեց ՀՀ ազգային հերոս Ջիվան Աբրահամյանի այրին։

Նա, դիմելով Նիկոլ Փաշինայնին, ասաց․ «Դու ի՞նչ ես հասկանում կռվից։ Դու ծախել ես այն հողը, որը քոնը չէր, մերն էր։ Դու հիմա քաղաքական դիակ ես»,-ասաց նա։

Հիշեցնենք, որ այսօր կայացած մամուլիսի ասուլիսին սևազգեստ մայրերը հայտարարեցին, ոևր 58 հասարակական կազմակերպություններ միացել են Նիկոլ Փաշինյանի հրաժարականի պահանջին։ Նրանց դիտարկմամբ՝ Փաշինյանը պետք է օր առաջ հեռանա։

Սևազգեստ մայրերը հայտարարեցին նաև, որ շրջափակելու են «Եռաբլուրը»՝ նրան թույլ չտալով այնտեղ ոտք դնել, քանի որ, նրանց խոսքով, Փաշինյանը սրբապիղծ է, իսկ «Եռաբլուրը»՝ սրբավայր։

Մանրամասները՝ տեսանյութում։