Բազմաթիվ քրեական գործեր են հարուցված, դրա մասին առաջիկայում հատուկ հրապարակում կապահովվի: Այս մասին այսօր լրագրողների հետ զրույցում ասաց գլխավոր դատախազի խորհրդական Գոռ Աբրահամյանը՝ խոսելով պատերազմի վերաբերյալ բոլոր հրապարակումների քրեական ընթացքների մասին:

Նշենք, որ իրավաբանները և իրավապաշտպանները ակցիա էին անում Գլխավոր դատախազության շենքի դիմաց՝ պահանջելով Արթուր Դավթյանի հետ հանդիպում:

Գոռ Աբրահամյանը նշեց, որ ցանկացած հրապարակում քննության է առնվել. ուղիղ եթերների, ասուլիսների հրապարակումները դարձել են քննության առարկա: «Ինչպես ԱԱԾ-ի քննչական դեպարտամենտում քննվող, այնպես էլ  քննչական կոմիտեի ԶՔԳՎ-ում: Քննվում են նաև անորակ զինատեսակների գնման գործերը: Արդեն երկու օր է՝ ես զբաղվում եմ այդ հարցով՝ հասկանալով անհրաժեշտությունը»,- ասաց նա և շեշտեց, որ այն, ինչ տարածվել է համացանցում, արձանագրվել է և դրանցով ևս վարույթ է իրականացվում:

«Այլընտրանքային նախագծեր խմբի» անդամ Էլինար Վարդանյանը ցանկացավ հստակեցնել, որ ակնկալվում է հարուցված քրեական գործերի շրջանակներում գտնել քրգործեր, որոնք վերաբերում են ռազմական ղեկավարության, պաշտոնատար անձանց հայտարարություններին, որտեղ ուղղակի մեղադրանքներ են հնչել երկրի ղեկավարի հասցեին:

«Ակնկալում եմ, որ անդրադարձներ կլինեն, որտեղ քննարկվում են երկրի վարչապետի գործողությունները»,- ասաց Վարդանյանը, որին Աբրահամյանն արձագանքեց, որ պատշաճ հսկողություն են իրականացնելու և պարբերաբար դրանց մասին կհրապարակվի: