Լեռնային Ղարաբաղում Հումանիտար ականազերծման ռուսական կենտրոնի զինծառայողները պարապմունքներ են անցկացրել Ասկերանի շրջանի Ճարտար քաղաքի թիվ 1 միջնակարգ դպրոցի աշակերտների հետ պայթյունավտանգ առարկաների հայտնաբերման դեպքում անվտանգության միջոցառումները պահպանելու վերաբերյալ։ Այս մասին հայտնում է ՌԴ Պաշտպանության նախարարությունը։

Ռուս զինվորականները դպրոցականներին պատմել են պայթյունավտանգ առարկաների դասակարգման և դրանց հայտնաբեման դեպքում ձեռնարկվող գործողությունների մասին: Բացի այդ, մասնագետները ցուցադրել են առաջին բուժօգնություն ցուցաբերելու կանոնները:

Ականազերծման կենտրոնի զինծառայողները ցուցադրել են ռուս զինծառայողների հանդերձանքի նմուշներ՝ ՕՎՌ-2 ականազերծման անհատական հանդերձանք, որը նախատեսված է պայթյունի վնասակար գործոններից սակրավորին պաշտպանելու համար, ԻՄՊ-Ս-2 ականորսիչ սարքեր և ԻՆՎՈՒ-3Մ «Կորշուն» ոչ կոնտակտային պայթուցիկ սարքերի դյուրակիր որոնիչ, որը պայթուցիկ սարքերը հայտնաբերում է ռադիոէլեկտրոնային բաղադրիչների և սխեմաների հիման վրա:

Ընդհանուր առմամբ, դասերին մասնակցել են միջին և ավագ դպրոցի ավելի քան 80 աշակերտներ, ուսուցիչներ և ծնողներ: