Ամեն մեկի՝ իր դիրքում մնալը սուտ էր, մեզ մեր դիրքերից հետ են կանչում. Շուռնուխի գյուղապետը կոչ է արել զենքով ներկայանալ գյուղ՝ հայրենիքը պաշտպանելու համար (տեսանյութեր)
Սյունիքի մարզի սահմանամերձ Շուռնուխ գյուղի գյուղապետ Հակոբ Արշակյանը տեսաուղերձ է հղել՝ կոչ անելով կամավորներին առավոտյան ժամը 10:00-ին զենքով լինել Շուռնուխում՝ հայրենիքը պաշտպանելու համար:
«Փաստացի, գյուղը թշնամուն հաձնելու որոշում կայացրած Նիկոլ Փաշինյանը գյուղի ամբողջ բնակչությանը թողել է բախտի քմահաճույքին: Պետություն, ըստ էության, չկա»,- այս առնչությամբ գրել է «Վետո» շարժման առաջնորդ Նարեկ Մալյանը:
Ստորև ներկայացնում ենք Շուռնուխի գյուղապետ Հակոբ Արշակյանի տեսաուղերձները, որոնցում նա նշում է, որ այսօր ՀՀ ՊՆ-ի կողմից գյուղի շրջակայքում եղած զորքն ու զինտեխնիկան հանվել է:
«Ամեն մեկի՝ իր դիրքում մնալը սուտ էր, մեզ մեր դիրքերից հետ են կանչում»,- նշում է Արշակյանը:
Ըստ նրա՝ գյուղում այժմ գտնվում են տեղի ինքնապաշտպանական փոքրաթիվ ուժերն ու Գորիսից եկած կամավորները:
