Ադրբեջանից գյուղմթերքի մատակարարման սահմանափակումները քաղաքական ենթատեքստ չունեն, ասվում է ՌԴ ԱԳՆ պաշտոնական ներկայացուցիչ Մարիա Զախարովայի մեկնաբանության մեջ, փոխանցում է Ռիա Նովոստի-ն։

«Այստեղ որևէ քաղաքական ենթատեքստ չկա։ «Ռոսսելխոզնադզոր»-ը պարբերաբար արգելքներ է սահմանում տարբեր երկրներից գյուղմթերքի ներմուծման համար։ Դա ստանդարտ բուսասանիտարական գործընթաց է, որը նպատակ ունի կանխել Ռուսաստանի և ԵԱՏՄ անդամ պետությունների տարածքում կարանտինային օբյեկտի (լոլիկի հարավամերիկյան ցեց, Tuta absohuta (Povolny) տարածումը, որոնք կարող են էական վնաս հասցնել գյուղատնտեսությանը և պարենային անվտանգության համար ռիսկեր ստեղծել», - նշել է Զախարովան։

Նա նշել է, որ «Ռոսսելխոզնադզոր»-ը Ադրբեջանի սննդի անվտանգության գործակալությանը բազմիցս տեղեկացրել է հարավամերիկյան լոլիկի ցեցի հայտնաբերման պարբերական դեպքերի մասին: