Նիկոլ Փաշինյանը, իմանալով, որ ստիպված է լինելու Եռաբլուր հասնել այդ ծանր գնով, գնաց այդ քայլին․ Ռուբեն Մելիքյան
Նիկոլ Փաշինյանի երթը քաղաքական ակցիա էր ու նպատակ էր հետապնդում ցույց տալ, որ ինքը վայելում է մեծ թվով մարդկանց վստահությունը: Այս մասին լրագրողների հետ զրույցում հայտարարեց Ռուբեն Մելիքյանը:
Մելիքյանի խոսքերով, ակնհայտ էր, որ քաղաքացիների մեծ մասին բերել էին մարզերից. «Նրանք լավ չէին պատկերացնում, թե ինչ է կատարվել պատերազմում, շատերը գտնվում էին պաշտոնական քարոզչության ազդեցության տակ: Եռաբլուրում հայտնված մարդիկ սգալու համար չէին եկել: Նրանց կազմակերպված բերել էին այնտեղ լինելու համար՝ որպես Նիկոլ Փաշինյանի «ժողովուրդ»»:
«Նիկոլ Փաշինյանը, իմանալով, որ ստիպված է լինելու Եռաբլուր հասնել այդ ծանր գնով, գնաց այդ քայլին»,-ասաց նա:
Մելիքյանը նշեց, որ Եռաբլուրում էր որպես իրավապաշտպան, որպեսզի թույլ չտար, որ լինեն բախումներ:
