Այսօրվա դեպքը Հայաստանի պատմության ընթացքում առաջինն է, երբ երկրի ղեկավարը որևէ մարզ այցելելու ժամանակ ունեցել է նման խնդիր և նրան վռնդել են Սյունիքի մարզից: Այս մասին լրագրողների հետ զրույցում ասաց «Քաղաքացիական գիտակցություն» ՀԿ նախագահ Նարեկ Սամսոնյանը` անդրադառնալով Նիկոլ Փաշինյանի Սյունիքի մարզ այցին:

 

«Հետևաբար Գորիսի քաղաքապետԱռուշ Առուշանյանը և հետո արդեն մի քանի այլ մարդիկ, որոնք կլինեն, այս դավաճանական իշխանության վերջին զոհերն են»,-ասաց նա:

Ինչ վերաբերում է Նիկոլ Փաշինյանի այցին Եռաբլուր, ապա նա ասաց. «Վարչապետը, եթե ունենար գոնե 0,0001 տոկոս ինքնասիրություն, չպետք է գնար Եռաբլուր:  Եռաբլուրում նրանք զոհված զինծառայողների ծնողներին ծեծելով մտան, այստեղ գործում է ոհմակային տրամաբանությունը»,-ասաց նա:

Նարեկ Սամսոնյանը նշեց՝ եթե Փաշինյանը ցանկանում էր խուսափել բախումներից, զոհերից, նա պետք է պատերազմը կանգնեցներ այն ժամանակ, երբ հնարավոր էր դա անել՝ առանց 5000 և ավելի շատ զոհի: «Նիկոլ Փաշինյանն ինքը գծեց իր կողմնակիցների մակարդակը` և շատ պարզ ասաց, որ ինձ պաշտպանում է ժեխը»,-ասաց նա և նշեց, որ որևէ մեկը չի ցանկանում վերցնել ժողովրդի իշխանությունը։

«Ինքը կարողացավ գնալ Եռաբլուր ծեծով ու ջարդով: Ես Նիկոլ Փաշինյանին շատ լավ եմ ճանաչում, երկար ժամանակ այդ մարդու հետ ճանապարհ եմ անցել, ինքը փորձում է կոտրել կարծրատիպերը, և ինքը պատկերացնում է, որ ունի ժողովրդի իշխանությունը: Ինքն իր իշխանության 2,5 տարում հետևողական ոչնչացրել է նաև եկեղեցին և փաստեր ունենք, որ աղանդավորական բազմաթիվ կազմակերպություններ աջակցում են Նիկոլ Փաշինյանին: Նիկոլ Փաշինյանը հակեկեղեցական է եղել հենց սկզբից, հակաբանակային է եղել հենց սկզբից»,-ասաց նա: