Սիսիանի եկեղեցու քահանա Տեր Պարգևը  տեղյակ չէր, որ եկեղեցի են գնացել Փաշինյանի կողմնակիցները և փորձել են իրեն դուրս հրավիրել եկեղեցուց, քահանան չգիտեր նաև արդյո՞ք խուզարկել են իր տունը, հաղորդում է tert.am-ը:

Նա նշել է, որ հուղարկավորության է մասնակցել, նոր է վերջացել և հիմա գնում է եկեղեցի: «Ինձ հետ ոչինչ չի պատահել, հուղարկավորության էի, հիմա գնում եմ եկեղեցի»,- ասել է նա:

Ինչ վերաբերում է իր կողմից Փաշինյանի ձեռքը չսեղմելուն և դուրս հրավիրելուն, նա ասել է, որ դա անձնական խնդիր է:

Ճշտող հարցին՝ նա դե՞մ է Փաշինյանի Սյունիք այցելելուն, Տեր Պարգևն արձագանքել է. «Ամբողջ Սյունիքն է դեմ եղել, որ նա այցելի, չի լսե՞լ, որ Սյունիքը դեմ է»:

Անդրադառնալով Փաշինյանի այն գրառմանը, թե  համոզվել է, որ ճանապարհը փակել են, որ ակնհայտ չդառնա, որ Գորիսում, Կապանում, Քաջարանում, Մեղրիում նույն մթնոլորտն է, ինչ Սիսիանում, այսինքն՝ իրեն լավ կդիմավորեն, Սյունիքի Սբ Գրիգոր եկեղեցու քահանան նշել է, որ չի կարող անդրադառնալ նրա ասածներին և կրկնել, որ իր արարքն անձնական է եղել:

Հիշեցնենք, որ այսօր Սիսիանի Սբ Գրիգոր եկեղեցում հոգևոր հովիվը հրաժարվել էր Նիկոլ Փաշինյանի ձեռքը սեղմել և ձեռքով դուրս էր հրավիրել նրան: