Ադրբեջանը ցանկանում է նոր սեյսմակայաններ ստեղծել իր հսկողության տակ անցած ղարաբաղյան հողերում։ Այս մասին հայտնում է Haqqin.az-ը։

Պաշտոնական հայտարարության մեջ նշվում է, որ ժամանակակից բոլոր սարքավորումներով հագեցած սեյսմակայանները գտնվելու են Քելբաջարում, Ջեբրայիլում, Շուշիում եւ Ստեփանակերտում (բնօրինակում նշված է Խանքենդի)։

Հայտարարության մեջ նշվում է, որ ներկայումս Ադրբեջանի Հանրապետական սեյսմիկ ծառայությունը զբաղված է սեյսմակայանների ստեղծման հետ կապված փաստաթղթային աշխատանքներով։ Ստեղծման բուն գործընթացը տեղի է ունենալու սկսած 2021 թվականից։ Ուշագրավ է այն, որ Բաքուն սեյսմակայան է ստեղծելու նաեւ Ստեփանակերտում, այն դեպքում, երբ այն իր փաստացի հսկողության տակ չի գտնվելու։