Այս հոդվածով որևէ դատական ակտ երբևէ չի եղել, նույն հոդվածն էր, որով 2018-ին Փաշինյանի, Միքայելյանի և Միրզոյանի նկատմամբ գործ հարուցվեց. Տարոն Սիմոնյանը` Առուշ Առուշանյանի դեմ հարուցված գործի մասին
Գորիսի Քաղաքապետի հետ Առուշանյանի հետ մեն կարելի է ասել ինչ-որ առումով մարտական ընկեր ենք, որովհետև նույն դիրքերում ենք անցկացրել պատերազմի մի քանի օրերը․ այս մասին ՔԿ-ի դիմաց ասաց «Լուսավոր Հայաստան» խմբակցության պատգամավոր Տարոն Սիմոնյանը՝ անդրադառնալով Առուշանյանի ձերբակալությանը:
«Պարզապես եկանք՝ տեսնենք, թե ինչ քրեական գործ է, ինչ հոդվածով է հարուցված` հասկանալու համար գործընթացի տրամաբանությունը: Ընդհանրապես և ես, որպես իրավաբան, կարող եմ ասել, որ այն հոդվածը, որով հարուցված է, այդ հոդվածով որևէ դատական ակտ երբևէ չի եղել, այս նույն հոդվածն էր, երբ 2018 թվականին Նիկոլ Փաշինյանի, Սասուն Միքայելյանի և Արարատ Միրզոյանի նկատմամբ գործ հարուցվեց, հասկանում ենք՝ դրա ներքո որևէ իրավական, փաստական հիմք չկա»,-ասաց նա:
Տարոն Սիմոնյանը նշեց, որ այս տեսանկյունից չի հասկանում իրավական տրամաբանությունը և գրեթե վստահ է, որ դատարանն այս հիմքով գործին ընթացք չի տա, քանի որ խթին գրված հոդված է: «Այն հոդվածը որով գործընթացը սկսվել է, իրավական տրամաբանության մեջ չի տեղավորվում, հետևաբար այստեղ իրավական գործընթաց չեմ տեսնում: Քաղաքական տրամաբնության մեջ տեղավորվում է, քանի որ ովքեր ցույց կազմակերպելու կոչ են անում, նրանց ձերբակալում են»,-ասաց նա:
