Անհապաղ հայտարարություն տարածեք. Վազգեն Մանուկյանը դիմեց բանակին ու ոստիկանությանը
Ես կոչ եմ անում բանակին, ոստիկանությանն անհապաղ հայտարարությամբ միանալ մեր ժողովրդին: Այս մասին Հանրապետության հրապարակում հայտարարեց ընդդիմության վարչապետի թեկնածու Վազգեն Մանուկյանը:
«Ամեն ժամ կարևոր է: Դուք ձեզ կարդարացնեք դրանով: Դուք 90-ականներից եղել եք ռազմաճակատներում, պաշտպանել եք հայրենիքը: Ես հիշում եմ, որ բոլոր բարդ ճակատամարտերում ոստիկաններն իրենց կյանքով պաշտպանել են հայրենիքը:
Մի թողեք, որ ժողովուրդն օրերով մնա այստեղ: Անցեք մեր կողմ ու այսօր կլուծենք հարցը»,-ասաց նա:
«Հայաստանը մենք ենք»,-ավարտեց նա իր խոսքը:
