Թուրքիան ակնկալում է, որ Վաշինգտոնը կվերանայի Ս-400-ի վերաբերյալ պատժամիջոցների մասին որոշումը
Թուրքիան ակնկալում է, որ Վաշինգտոնը կվերանայի Անկարայի կողմից ռուսական Ս-400 հակաօդային պաշտպանության համակարգերի գնման համար պատժամիջոցներ սահմանելու՝ իր «սխալ որոշումը»: Այս մասին երեքշաբթի հայտարարել է Թուրքիայի ազգային պաշտպանության նախարար Հուլուսի Աքարը NTV հեռուստաալիքի եթերում:
«Մենք կանենք հնարավորը՝ պատժամիջոցների վնասը նվազագույնի հասցնելու համար: ԱՄՆ-ը պետք է շտապ փոխի այս սխալ որոշումը: Մենք ակնկալում ենք, որ նրանք կվերանայեն այն»,- ասել է նա:
Հիշեցնենք, որ օրերս ԱՄՆ–ը պատժամիջոցներ է սահմանել Թուրքիայի ռազմարդյունաբերական ոլորտի մի շարք ներկայացուցիչների նկատմամբ։
