Թուրքիան Ադրբեջան է ուղարկել 60 զինվորականի
Լեռնային Ղարաբաղում իրավիճակի հսկողության հարցով կենտրոնի կառուցման մասին պայմանավորվածություններն իրականացվում են, եւ Թուրքիան Ադրբեջան 60 զինվորականի է ուղարկել: Այս մասին, ՏԱՍՍ-ի հաղորդմամբ, հայտարարել է Թուրքիայի ազգային պաշտպանության նախարար Հուլուսի Աքարը:
«Մեր անձնակազմից 60 մարդ գտնվում է Ադրբեջանում: Կենտրոնի կառուցման բոլոր պայմանավորվածություններն իրականացվում են, մնում է լուծել կառուցման հետ կապված մի քանի հարց: Մեր մարդիկ կաշխատեն ռուսների հետ միասին: Նրանց գտնվելու ժամկետի մասին կխոսենք ռուսական կողմի հետ»,-ասել է նա:
