Փաշինյանն անգամ չի հասկանում տարբերությունը ՀՀ-ի ու ՀՀ վարչական սահմանների միջև. վախենում եմ պատկերացնել, թե ինչեր են մեզ դեռ սպասվում նրա ապազգային գործունեության պատճառով. երաժիշտ Միքայել Ոսկանյան
Երաժիշտ Միքայել Ոսկանյանը ֆեյսբուքյան իր էջում գրառում է արել՝ անդրադառնալով Նիկոլ Փաշինյանի հրապարակմանը։ Թառահարը նշել է՝ վախենում է պատկերացնել, թե ինչեր են մեզ դեռ սպասվում նրա ապազգային գործունեության պատճառով։ Գրառումը՝ ստորև.
«Նիկոլ Փաշինյանի վերջին գրառումը վերջնականապես ստիպեց հստակ դիրքորոշում ունենալ նրա հանդեպ, քանի որ նա անգամ չի հասկանում ՀՀ վարչական սահմանների ու ՀՀ սահմանների միջեւ տարբերությունը։
Կամ էլ, հասկանում է ու հույսը դնելով Հայաստանի տգետ զանգվածի վրա` միտված մոլորության մեջ է գցում ու նորից շարունակում պառակտել ժողովրդին` առաջ տանելով նախկինամոլությունը։
Վարչական սահմանը այլ է, պետականը՝ այլ։ 2010 թվականի օրենքը ոչինչ չի սահմանում Հայաստանի Հանրապետության պետական սահմանի մասով։ Այդ փաստաթուղթը ներպետական իրավական կարգավորումների համար է։ Իսկ միջպետական սահմանների վերաբերյալ որեւէ համաձայնագիր Հայաստանի եւ Ադրբեջանի միջեւ չի եղել ու չկա։
Վախենում եմ պատկերացնել, թե ինչեր են մեզ դեռ սպասվում նրա ապազգային գործունեության պատճառով…»,- նշել է նա։
