Ռազմական ոստիկանության պետի տեղակալը և ևս մեկ պաշտոնյա հրաժարականի դիմում են ներկայացրել
Հրաժարականի դիմում են ներկայացրել ՊՆ-ի ռազմական ոստիկանության պետի օպերատիվ գծով տեղակալ Ալեքսանդր Աղաջանյանն ու օպերատիվ ծառայության պետ Տիգրան Եղյանը: Այս մասին երեկ Հանրապետության հրապարակում հայտարարել է ՀՅԴ անդամ Գեղամ Մանուկյանը:
«Ըստ տեղեկությունների պատճառը եղել է այն, որ ԱԺ «Իմ քայլը» խմբակցության պատգամավոր Անդրանիկ Քոչարյանն ու ռազմական ոստիկանության պետ Աշոտ Զաքարյանը հրահանգել է նշված անձանց, որպեսզի նրանք նույնպես աշխատանքներ կատարեն, որ վարչապետ Նիկոլ Փաշինյանի դեկտեմբերի 19-ի կազմակերպած երթի համար մեծ թվով մարդկանց հավաքագրեն:Աղաջանյանն ու Եղյանը հրժարվել են կատարել այդ հանձնարարությունը և աշխատանքի ազատվելու դիմումներ են ներկայացրել»,-ասել է նա:
Լուսանկարում Ռազմական ոստիկանության պետ Աշոտ Զաքարյանն է:
