Սիսիանում Նիկոլ Փաշինյանն օրեր առաջ վստահություն հայտնեց՝ եթե գնա Գորիս, Կապան, Մեղրի ու Սյունիքի մյուս քաղաքներ, իրեն մեծ թվով քաղաքացիներ կընդունեն, սակայն չի գնում, քանի որ չի ցանկանում բախում հրահրել այն հազարավոր քաղաքացիների հետ, ովքեր փակել են ճանապարհները, որպեսզի ինքը մուտք չգործի մարզ:

Այսօր Քաջարանի քաղաքապետ Մանվել Փարամազյանը, ում կանչել են ՔԿ հարցաքննության, հայտարարեց, որ իրենք երևակայությունների մեջ են. «Հենա տեսաք Սիսիանում ոնց եղավ, ինչ եղավ: Այսօր նրա համախոհները ովքեր են: Ով է տեսել մտնեն եկեղեցի ու քահանային «ուգրաժատ» անեն, վիրավորական բառեր հնչեցնեն: Այսինքն, թքած ունեն եկեղեցու, կրոնի վրա»:

Նշենք, որ այս պահին ՔԿ-ի մոտ են հավաքվել մեծ թվով քաղաքացիներ, ովքեր իրենց աջակցությունն են հայտնում Փարամազյանին: