Հայեր ջան, խնդրում եմ, ուշքի եկեք: Նիկոլն իր ֆեյքային ոհմակով հիմար գաղափար է տարածում, թե իբր փրկել է 25 հազար տղայի: Ոչ: Այս մասին Հանրապետության հրապարակում հայտարարեց Գեղամ Նազարյանը:

Նշենք, որ Նազարյանը երկար տարիներ Նիկոլ Փաշինյանի ու Աննա Հակոբյանի հետ աշխատել է «Հայկական ժամանակ» թերթում, որպես փոխխմբագիր: Նրա որդին այս պահին անհետ կորած է:

«Նիկոլ, մարդ եղիր գոնե մեկ անգամ, որ Աստծո դատարանի առաջ գոնե մեկ արդարանալու բան ունենաս, որ ասես՝ համարձակություն ունեցար հրաժարական տվեցիր: Մենք բոլորս մեղավոր ենք, բայց հիշիր, թե ինչի տակ ես մտել: Լավ, իշխանությունդ մեկ օր ձգեցիր, երկու օր, լավ հասար մինչև մարտի 21-ը, բայց սա չես կարող մարսել: Մեր երկիրն ամեն օր ավելի է թուլանում քո ղեկավարության օրոք: Մեր թշնամիներն ուրախանում են քո ամեն օր մնալով: Հեռացիր: Մենք Վազգեն Մանուկյանին պետք է շնորհակալ լինենք, որ համաձայնվում է մտնել այս ծանր բեռի տակ: Հիմար ֆեյքերով ասում եք, որ իշխանություն է ուզում: Վազգեն Մանուկյանի արածի մեկ տոկոսը որ արած լինեիր, նամուս կունենայիր: Դու Մարիամիկին էլ չես սիրում, որ այդ օրը քցեցիր՝ վտանգելով կյանքը՝ չհասկանալով, թե ինչ ես անում: Դու Աշոտիկին էլ չես սիրում, մյուս փոքրիկներիդ էլ չես սիրում: Նիկոլ, ամոթ քեզ: Դու տնից չես կարող դուրս գալ ու նորմալ քայլել: Դու ոնց ես երկիր ղեկավարելու:

Երեք նախագահ ենք ունեցել, մեկին սիրել են, մեկին՝ ոչ, բայց երեքն էլ կարող են այսօր առանց թիկնապահ դուրս գալ փողոց, իսկ դու երբեք չես կարող»,-ասաց նա: