Ես ձեր նշած անձին չեմ կարողանում լսել, նրա դեմքն էլ չեմ կարողանում տեսնել, հետո կարդում եմ, թե ինչ է ասել: Այս մասին լրագրողների հետ զրույցում հայտարարել է Ավետիք Իշխանյանը՝ պատասխանելով հարցին, թե ինչ է մտածում Նիկոլ Փաշինյանի այսօրվա հայտարարության մասին, որ Սյունիքի երկու բնակավայրերում ցավոտ իրադարձություններ կարող են լինել, ինչից հետո հայտնի դարձավ Որոտանում ու Շուռնուխում տներ են զիջվելու Ադրբեջանին:

«Երբ պարտվում ես, կապիտուլյացիա ես ստորագրում, թշնամու ախորժակը բացվում է ու նա շարոնակում է իր նվաճողական քաղաքականությունը մինչև վերջ, մինչև Հայաստանի վերացումը:

Այն անձը, ով կասկածվում է դավաճանության մեջ, շարունակում է կառչած մնալ աթոռին, ու մենք մի օր կարող ենք արթնանալ ու իմանալ արդեն ողջ Հայաստանի կապիտուլյացիայի մասին: Այս ուղղությամբ է գնում Հայաստանի իշխանությունը:

Հայաստանի հարցերն արդեն լուծում են Թուրքիան, Ադրբեջանն ու Ռուսաստանը: Փաշինյանը պետական կառույցները դարձրել է իր անձնական թիկնազորը, ինչպես ենիչարիներն էին սուլթանական Թուրքիայում: Դրանով պաշտպանված՝ շարունակում է հանուն իր իշխանության հանձնել հայրենիքը»:

Իշխանյանի համար տարօրինակ է մարդկանց մեծ մասի անտարբերությունը. «Ես էլ չեմ խոսում նրանց մասին, ովքեր շարունակում են պաշտպանել նրան: Ես երբեք չէի սպասի, որ մենք այս աստիճանի այլասերված հասարակական շերտեր ունենք:

Իրավական հարցերի մասին խոսելն ավելորդ է, քանի որ գործ ունենք ադրբեջանա-թուրքական ագրեսիայի հետ ու խեղճ ու կրակ, իր իշխանությանը կառչած մի ողորմելու հետ»:

«Մի օր էլ կարթնանանք ու կիմանանք հերթական կապիտուլյացիայի մասին, ինչպես անսպասելի եղավ նոյեմբերի 9-ը:

Ես խոստանում եմ՝ ովքեր լսում են, համաձա՞յն եք կապիտուլյացիային, թուրքի հպատակը դառնալուն ու որ ձեր կանայք դառնան թուրքի սիրուհիները: Դրան է տանում ամբողջ ճանապարհը»,-հավելեց նա: