Ես ու որդիս անցած տարի բախտ ենք ունեցել լինել այն հատվածում, որտեղ այսօր թուրքն է եկել տնավորվել և Սևանը նկարել։ Երբ տխրահռչակ փաստաթղթի ստորագրումից հետո ասում էի, որ ուղիղ նշանառության տակ է անցնում Գեղարքունիքի մարզը Վարդենիս, Մարտունի ,Սևան քաղաքաներով և հարակից գյուղերով, նաև Գավառի մի շարք գյուղեր, մի մասսա , որն իր բնակավայրից այն կողմ ոչինչ չգիտի, ֆեյսում ֆեյքերով հարձակվեցին վրաս։

Եվս մեկ անգամ վերահաստատում եմ, որ այն վայրերը, որոնք մեկ ստորագրությամբ և առանց մեկ փամփուշտ կրակելու հայտնվել է թշնամին, ուղիղ նշանառության տակ են վերցնում Սևանա լճի ողջ հայելին, այսինքն նաև ձկնորսնեին, ինչպես նաև Գեղարքունիք բոլոր քաղաքները, բացի մարզկենտրոն Գավառից։ Իսկ ամենագլխավորը, Գեղարքունիքի երկու ճանապարհները ՝ Սևանա լճի հյուսիսային և հարավային ճանապարհները , երկթագիծը ևս հայտնվում է ուղիղ նշանառության տակ։

Համեմատության համար ասեմ, որ մինչև այդ տխրահռչակ հայտարարությունը մեր ուղիղ նշանառության տակ էին Գանձակ քաղաքը իր հարակից բնակավայերորվ, այդ շրջանի բոլոր ճանապարհները, առողջարանները, նույն այն կերպ մեր ափի մեջ էին, ոնց հիմա մենք ենք հայտնվել իրենց ափի մեջ։

Ես չեմ համակերպվի այս իրողության հետ․․․

Փորձագետ Կարեն Հովհաննիսյան