Ինչ պետք է անել, որպեսզի Կապանում ու Սյունիքի մյուս բնակավայրերում մարդկանց վախերը չեզոքացվեն: Խորհրդարանում համապատախսան թեմայով քննարկման ժամանակ Կապանի քաղաքապետ Գևորգ Փարսյանը շատ կարևոր համարեց ամբողջ սահմանի երկայնքով սահմանապահների տեղակայումը, թե մեր կողմից, թե՝ թշնամու, ու որ սահմանապահների հետևում չլինեն կանոնավոր զորքեր, լինի ապառազմականացված գոտի. «Բացի դրանից, պատգամավորները կարող են օրենսդրական նախաձեռնութամբ հանդես գալ, մեր գյուղացիների՝ տղամարդկանց, զինելու մասով: Դա լրացուցիչ վստահություն կտա:

Օրինակ այսօրվա դրությամբ որսորդական խանութից զենք ձեռք բերելու մասով ընթացակարգային դժվարություններ կան, դա կարող է դյուրացվել: Թեկուզ Կապան-Գորիս ճանապարհն անցնելիս՝ մարդկանց մոտ վստահություն պետք է լինի, իսկ վստահության մի ձևն էլ զենք ունենալն է»:

«Դուք՝ որպես պատգամավորներ, պետք է ՊՆ-ին անընդհատ հորդորեք, որ լուրջ ուշադրություն դարձնեն Սյունիքի մարզին՝ թե զենքի, թե կանոնավոր բանակի տեսքով»,-հավելեց նա: