Անխտիր բոլոր գերիներին բերելու ենք. Արայիկ Հարությունյան
Արցախի նախագահ Արայիկ Հարությունյանը ևս մեկ անգամ ընդգծում է, որ հայկական կողմը վերադարձնելու է ադրբեջանական գերության մեջ գտնվող բոլոր գերիներին: Արայիկ Հարությունյանն այս մասին ասաց անհետ կորած զինծառայողներից մեկի ծնողի հետ զրույցում:
«Աստված տա, որ գերի լինի, որովհետև բոլոր գերիներին բերելու ենք, անխտիր: Չեմ ասում` ինչ ժամանակահատվածում, բայց բոլորին բերելու ենք»,- Արցախի Իշխանաձորի հատվածում անհետ կորած զինծառայողի ծնողին ասաց Հարությունյանը:
Արմավիրում մասնակցում էր ԱԺ նախկին պատգամավոր, «Սև հովազ» ջոկատի հրամանատար Ռուստամ Գասպարյանի հիշատակին նվիրված միջոցառմանը, որի ընթացքում էլ հենց նրան մոտեցել էր անհետ կորած զինծառայողի ծնողը:
