Դեկտեմբերի 25-ին Մոսկվայի օդանավակայաններում չեղարկվել կամ հետաձգվել է 44 չվերթ: Այս մասին են վկայում «Յանդեքս. Ժամանակացույց» ծառայության տվյալները: Մոսկվայի ժամանակով ժամը 13:15-ի դրությամբ «Վնուկովո»-ում հետաձգվել է 17 թռիչք, չեղյալ է հայտարարվել չորսը: «Դոմոդեդովոյում» 16 չվերթ հետաձգվել է, երկուսը՝ չեղարկվել: «Շերեմետևո»-ում երեք չվերթ հետաձգվել է, երկուսը՝ չեղարկվել:

Ավելի վաղ հաղորդվել էր, որ ուրբաթ Մոսկվայում սպասվում է ամպամածություն, ձյուն, ձնաբուք և մերկասառույց: Մայրաքաղաքում ջերմաստիճանը կլինի -2 աստիճան: Քամին հարավարևմտյան՝ 5-10 մ/վ արագությամբ:

Մեկ օր առաջ Ռուսաստանի հիդրոօդերևութաբանության կենտրոնի գիտական ​​ղեկավար Ռոման Վիլֆանդը նախազգուշացրել է դեկտեմբերի 25-ի գիշերը Մոսկվայում «ձնային կոպալսի» մասին: Ինչպես նշել է մասնագետը՝ ուրբաթ օրը մայրաքաղաքում կլինի ավելի քան 10 սմ տեղումներ: Վիլֆանդն այս շաբաթվա վերջին տարածաշրջանում սպասվող եղանակը անվանել է «բոլորովին ոչ ստանդարտ»: Մայրաքաղաքի տրանսպորտի վարչությունը վարորդներին նախազգուշացրել է 9 բալանոց խցանումների հավանականության մասին: