Վարչապետ Նիկոլ Փաշինյանի հրաժարականը պահանջող քաղաքացիները քիչ առաջ երթով հասան Հանրապետության հրապարակ, որտեղ նրանց սպասում էին մեկ այլ խումբ քաղաքացիներ։ Վերջինները խարույկ էին վառել, որպեսզի երթի  մասնակիցները տեղ հասնելուն պես տաքանան։

Փաշինյանի հրաժարականը պահանջողների բողոքի ակցիան այդպիսով ավարտվեց։ Ավելի վաղ նրանք փակել էին մայրաքաղաքի գլխավոր պողոտաները։ Ոստիկանները ողջամիտ ժամկետ էին տվել, որպեսզի ակցիայի մասնակիցները բացեն ճանապարհը, սակայն քաղաքացիները հրաժարվել էին այդ պահանջը կատարել, պատճառաբանելով, որ իրենք խաղաղ ակցիա են իրականացնում, ինչի իրավունքն ունեն։ Այնուամենայնիվ, ոստիկանները  սկսեցին բերման ենթարկել փողոցը փակած քաղաքացիներին։