Մեքսիկան 2020-ին աշխարհում ամենամահացու երկիրն էր ԶԼՄ-ների համար, այս տարի լրագրողների սպանության դեպքերի մեկ երրորդը տեղի է ունեցել Մեքսիկայում:

«Արմենպրես»-ի փոխանցմամբ ՝ ինչպես տեղեկացնում է The Guardian-ը, այս մասին հայտնել է Լրագրողների պաշտպանության կոմիտեն, որը հետաքննում է մամուլի դեմ հարձակումները աշխարհում:

Մեքսիկայում 2020-ին 9 լրագրող է սպանվել, այսպիսով 2000 թվականից ի վեր զոհերի թիվը հասել է առնվազն 120-ի: Անցյալ ամիս 10 օրվա մեջ երեք լրագրող է սպանվել: