Սաուդյան Արաբիայի թագաժառանգը պատվաստվել է COVID-19-ի դեմ
Սաուդյան Արաբիայի թագաժառանգ Մուհամեդ բեն Սալմանը ուրբաթ օրը ստացել է COVID-19-ի պատվաստանյութի երկու դեղաչափերից առաջինը, հայտնում է SPA-ն: Գործակալության տվյալներով ՝ թագաժառանգը պատվաստվել է երկրի առողջապահության նախարարության՝ բնակչությանը պատվաստելու ծրագրի շրջանակում:
Սաուդյան Արաբիայի առողջապահության նախարար Թաուֆիկ ալ-Ռաբիան մեկնաբանելով այդ արարքը` իր երախտագիտությունն է հայտնել Մուհամեդ բեն Սալմանին:
«Ես շնորհակալություն եմ հայտնում Նորին Արքայական Մեծություն թագաժառանգին իր նրբանկատության համար, ինչպես նաև բնակիչների պատվաստանյութերի մատակարարման ընթացիկ գործունեության համար: Շնորհակալ եմ նաև նրա ցուցումների համար` լավագույն ծառայություններ մատուցելու համար»,- նշել է Սաուդյան Արաբիայի առողջապահության նախարարը:
