«Ուրարտուի» գլխավոր մարզիչ Ալեքսանդր Գրիգորյանը Коммент.Шоу հաղորդաշարի ժամանակ  խոսել է իր կյանքի բարդ ժամանակահատվածի մասին:

«Կնոջս հետ բաժանումն ինձ համար մեծ հարված էր: Այդ պահին հասկացա, որ առանց նրա չեմ կարող ապրել:  Պատճառը բավական պարզունակ մի բան էր՝ ալկոհոլ: Ինձ իրական հարբեցող կարող էիք համարել, ով չէր կարողանում կառավարել սեփական անձը: Երիտասարդ  տարիներիս թիմակիցներիս հետ գրեթե ամեն օր ալկոհոլ էինք օգտագործում: Պարզվեց, որ խմիչքի նկատմամբ իմունիտետ չունեմ:  Այդուհանդերձ, 29 տարեկանում հրաժարվեցի խմիչքից: Այժմ իմ խաղացողների հետ երբեմն խնդիրներ եմ ունենում, քանի որ կարծում եմ ՝ մարզիկը պետք է ասկետիկ կյանք վարի՝ սահմանափակի իր հոգևոր և մարմնական պահանջմունքները: Բավական մեծ ջանքեր գործադրեցի խմելը թողնելու և ընտանիքս վերադարձնելու համար և չեմ ուզում, որ նրանք էլ անցնեն այդ մղձավանջի միջով»,- ասել է Գրիգորյանը: