Դաղստանում ահաբեկչական հարձակում է կանխվել
ՌԴ Անվտանգության դաշնային ծառայության աշխատակիցները, ՆԳՆ-ի հետ համատեղ, կանխել են Մախաչկալայում ահաբեկչության նախապատրաստում. հայտնում է «ՌԻԱ Նովոստին»։
«Խմբի անդամները պլանավորել էին պայթուցիկ սարք գործի դնել իրավապահ մարմինների վարչական շենքերից մեկի մոտ, որին կհաջորդեր զինված հարձակումը Դաղստանի Հանրապետությունում ՆԳՆ աշխատակիցների վրա»,- հայտնել է ԱԴԾ-ն:
Նշվում է, որ դեկտեմբերի 25-ին անվտանգության աշխատակիցները բերման են ենթարկել միջազգային ահաբեկչական կազմակերպության՝ «Իսլամական պետության» բջջի չորս անդամների: Նրանց տան պահոցում հայտնաբերվել է զենք և զինամթերք: Նաև հեռախոսներում նամակագրություն է բացահայտվել օտարերկրյա համակարգողների հետ:
Հետաքննությունը քրեական գործ է հարուցել՝ ահաբեկչական կազմակերպության գործունեությանը մասնակցության համար հոդվածով:
