Թուրքիան երբեք չի ընդհատել հետախուզական կապերը Իսրայելի հետ: Այս շփումները մնում են նաև այսօր: Ըստ Anadolu-ի՝ այս մասին Թուրքիայի նախագահ Ռեջեփ Թայիփ Էրդողանն ասել է լրագրողներին Ստամբուլում ուրբաթօրյա աղոթքից հետո տված հարցազրույցում:

«Այնուամենայնիվ, մենք մի շարք խնդիրներ ունենք այս երկրի ղեկավարության հետ»,- ասել է Էրդողանը:

Թուրքիայի նախագահը նշել է նաև, որ Անկարան, անշուշտ, կցանկանար բարելավել հարաբերությունները Իսրայելի հետ, բայց չի կարող ընդունել Իսրայելի դիրքորոշումը Պաղեստինի վերաբերյալ:

«Իսրայելական կողմի գործողությունները հակասում են Թուրքիայի մոտեցումներին արդարության ապահովման և պետությունների ամբողջականության պաշտպանության հարցում», բացատրել է նա: