Ճապոնիայի իշխանությունները հաստատել են կորոնավիրուսի նոր շտամի առկայությունը հինգ մարդու մոտ, որոնք այս շաբաթ վերադարձել են Մեծ Բրիտանիայից:

Երկրի առողջապահության նախարար Նորիխիսա Թամուրայի խոսքով՝ բոլոր վարակվածները Ճապոնիա են վերադարձել դեկտեմբերի 21-ին: Նրանցից երեքը ժամանել են Օսակայում Քանսայ օդանավակայան, եւս երկու քաղաքացի՝ Տոկիոյի Խանեդա օդանավակայան:

Դեկտեմբերի 14-ին Մեծ Բրիտանիայի առողջապահության նախարար Մեթ Հենքոքը հայտնել է, որ բրիտանացի գիտնականները կորոնավիրուսի նոր, մուտացված շտամ են հայտնաբերել: Մեծ Բրիտանիայի վարչապետ Բորիս Ջոնսոնը հայտարարել է, որ նոր մուտացիան 70 տոկոսով ավելի վարակիչ է, քան վիրուսի այլ տեսակները: