Հայաստանի գործող իշխանությունների տարբեր ներկայացուցիչներ շարունակում են թիրախավորել Հայ Առաքելական սուրբ եկեղեցին։ Վաղը՝ դեկտեմբերի 27-ին, իշխանության աջակիցները պատրաստվում են սադրիչ գործողություններ իրականացնել ընդդեմ Մայր աթոռ սուրբ Էջմիածնի։

Հայաստանում բնակվող եզդիները չեն կարող անտարբեր լինել ՀԱԵ դեմ իրականցվող այս սադրիչ գործողությունների նկատմամբ։ Եզդիների համար կրոնական կենտրոնները անձեռմխելի են։ Մեզ համար հատկապես կարեւոր է Առաքելական սուրբ եկեղեցին, որ 1915-17 թվականներին հազարավոր եզդիների է ձեռք մեկնել։

Մենք, լինելով ազգային ավանդույթների վրա հենված հանրություն, կարևոր ենք համարում մեր մասնակցությունը ավանադական արժեքների պահպանման գործում։ Կոչ ենք անում մեր եզդի եղբայրներրին և քույրերին դեկտեմբերի 27-ին ժամը 11-ին լինել Էջմիածին քաղաքում, Սուրբ Գայանե եկեղեցու տարածքում և կանգնել ի պաշտպանություն Հայ Առաքելական Եկեղեցու և ևս մեկ անգամ ցույց տալ   Շարֆադինադավան եզդիների և Քրիստոնյա հայերի եղբայրության ամրությունը

«Սարհլդան» նախաձեռնող խումբ