Երեկ, երբ լսում էի Նիկոլ Փաշինյանին, ինձ թվում էր, որ Իլհամ Ալիևն է հայրեն արտահայտվում՝ Նիկոլի կերպարանքը ստացած, որովհետև ինչ խոսում էր, խոսում էր թուրք-ադրբեջանական շահերի դիրքից: Այս մասին լրագրողների զրույցում ասել է ՀՅԴ-ական Արծվիկ Մինասյանը:

Մինասյանի խոսքերով, մի նախադասություն չի լսել, որը կլիներ ի պաշտպանություն հայերի շահերի. «Անգամ հող հանձնելը նա սրիկայաբար ներկայացնում է որպես անվտանգության մոտեցում: Ուր է հասել մարդը, որ կեղծելով ու իրավական տգիտություն թույլ տալով, փորձում է հաճոյանալ ադրբեջանցիներին ու հայ ժողովրդին խաբել, իբրե  եթե չհանձնեինք, պատերազմ էր սկսվելու: Դրա համար ենք ասում՝ այնքան ժամանակ, քանի դեռ Նիկոլ Փաշինյանը կա, պատերազմը կամ հող հանձնելն անխուսափելի են»:

Ինչ վերաբերում է բանավոր պայմանավորվածություններին, Մինասյանը կարծիք հայտնեց, որ Փաշինյանը բացել է դավաճանության ընդամենը մի փոքր հատվածը. «Հայաստանի անվտանգության ուժերը, դատախազությունը, ԱԱԾ-ն, ՊՆ-ն պարտավո են գործել, քանի որ նա բացահայտ ասում է՝ տվել է, հատուկ պարտվել է ու շարունակելու է տալ»: