«Ինչ անում եք ձեր խմբակցությունով՝ զոռբայություն է, կոռուպցիա է»․ Բաբաջանյանը՝ իմքայլական պատգամավորին
ԱԺ արտահերթ նիստի օրակարգում Հաշվեքննիչ պալատի անդամի ընտրության հարցն է։ «Իմ քայլը» խմբակցության պատգամավոր, ֆինասավարկային և բյուջետային հարցերի մշտական հանձնաժողովի նախագահի տեղակալ Արտակ Մանուկյանը ներկայացրեց թեկնածու Կարեն Առուստամյանին, որից հետո ԱԺ պատգամավոր Արման Բաբաջանյանը, դիմելով Մանուկյանին, ասաց․ «Ես ձեր կարծիքը և ընդգծված վերաբերմունքը գիտեմ թեկնածուի մասին։ Անձնապես չեմ ճանաչում Կարեն Առուստամյանին, բայց այն, ինչ դուք հիմա անում եք ձեր խմբակցությունով, դա զոռբայություն է, հովանավորչություն է, կոռուպցիա է․․․»։
Բաբաջանյանի խոսքով՝ «դեռ առիթ կունենա ելույթում պարզաբանել, թե օրենքի ինչ խախտմամբ են թեկնածուին բերել և ուզում խցկել Հաշվեքննիչ պալատ»։
«Սա ուղղակի անթույլատրելի է․․․ Դրա հետևանքները դեռ կզգաք․․․ Ես չգիտեմ այդ պատասխանատվությունը դուք դեռ առիթ կունենաք կրել, թե ոչ»,- հավելեց Բաբաջանյանը։