Հաջորդ տարին մարդկությունը պետք է նվիրի կորոնավիրուսային պանդեմիայի հաղթահարմանն ու դրա հետևանքների բուժմանը։ Այս մասին ասվում է ՄԱԿ-ի գլխավոր քարտուղար Անտոնիու Գուտերեշի ամանորյա տեսաուղերձում։

«Եկեք հաշտվենք միմյանց և բնության հետ, հաղթահարենք կլիմայական ճգնաժամը, դադարեցնենք COVID-19 –ի տարածումն ու 2021 թվականը դարձենք բուժման տարի․ բուժում մահաբեր վիրուսի հետևանքներից, տնտեսության ու հանրության խարխլումից, բաժանումների վերացում և մեր մոլորակի բուժմանն ուղղված գործողությունների մեկնարկ»,-ասել է Գուտերեշը՝ խաղաղ ու երջանիկ Ամանոր մաղթելով բոլորին։

Հիշեցնենք, որ աշխարհում պանդեմիայի սկսվելուց ի վեր կորոնավիրուսով է վարակվել մոտ 80․8 մլն մարդ, մահացել՝ ավելի քան 1․7 մլն-ը։