ԱՄՆ Կոնգրեսի Ներկայացուցիչների պալատը երկուշաբաթի կրկին կողմ է քվեարկել 2021 ֆինանսական տարվա (սկսվում է հոկտեմբերի 1-ին) երկրի պաշտպանական բյուջեի նախագծին՝ այդպիսով շրջանցելով նախագահ Դոնալդ Թրամփի վետոն։ Այս մասին հայտնում է օրենսդիր մարմնի մամուլի ծառայությունը։

Արդեն այսօր սենատորները կհավաքվեն՝ փաստաթղթի վերջնական ընդունման համար, որով պաշտպանական նպատակների համար հատկացվում է 740 մլրդ դոլար։

Հիշեցնենք, որ այդ նախագծով նախատեսված են պատժամիջոցներ Ռուսաստանի դեմ՝ «Հյուսիսային հոսք-2» և «Թուրքական հոսք» նախագծերի պատճառով, ինչպես նաև Ուկրաինային 250 մլն դոլարի օգնության տրամադրում, այդ թվում՝ ռազմական։

Սպիտակ տան ղեկավարն օրինագիծն արգելափակել էր դեկտեմբերի 23-ին։

Հիշեցնենք, որ 2020 ֆինանսական տարում ԱՄՆ ռազմական բյուջեն կազմել է 738 մլրդ դոլար, իսկ 2019-ին՝ 716։