Անկեղծ ասած՝ վերջնական տեղեկատվություն չունեմ: Ես՝ որպես «Իմ քայլը» խմբակցության ղեկավար, նախնական տեղեկություն ստացել եմ, որ հնարավոր է լինի նման հանդիպում: Այս մասին լրագրողների հետ զրույցում հայտարարել է Լիլիթ Մակունցը՝ խոսելով Նիկոլ Փաշինյանի ու Գագիկ Ծառուկյանի հանդիպման վերաբերյալ լուրերի մասին:

Մակունցը ենթադրում է՝ եթե հանդիպում լինի, խոսքը լինելու է արտահերթ ընտրությունների օրակարգի շուրջ:

Հարցին՝ հանդիպում լինելու է արդյո՞ք ԼՀԿ-ի հետ, Մակունցն ասել է, որ իր ունեցած տեղեկություններով, հնարավոր է հանդիպում լինի բոլոր երեք խմբակցությունների ղեկավարների հետ. «Առայժմ ես որևէ ժամի վերաբերյալ տեղեկություն չունեմ»: