Ճանապարհային ոստիկանության հաշվառման-քննական և տրանսպորտային միջոցների տեխնիկական փորձաքննության բաժնի նախկին պետ Սպարտակ Սեփյանը դատի է տվել ՀՀ ոստիկանապետ Վահե Ղազարյանին:

Սպարտակ Սեփյանը դիմել է ՀՀ վարչական դատարան՝ պահանջելով 21.10.2020թ. թիվ 3041-Ա հրամանն անվավեր ճանաչելու և, որպես հետևանք, իրեն նախկին աշխատանքում /պաշտոնում/ վերականգնելու, ինչպես նաև հարկադիր պարապուրդի ամբողջ ժամանակահատվածի համար վճարվելիք աշխատավարձը տրամադրելու համար։

Հայցը մակագրվել է ՀՀ վարչական դատարանի դատավոր Գևորգ Սոսյանին։