Փաշինյանի հրաժարականը պահանջող քաղաքացիները երթ են անում Արաբկիրի թաղապետարանի մոտից: Մինչ երթի սկսվելը ոստիկանության գնդապետ Սայաթ Շիրինյանը լրագրողների հետ զրույցում ասաց, որ ազգադավ իշխանությունները պետք է հնարավորինս շուտ հեռանան. «Տեսնում եք, որ Հայաստանի տարածքում ցուցանակ տեղադրվեց:

Ես չեմ կարողանում հասկանալ, թե սրանից հետո էլ ինչ պետք է լինի, որ մարդիկ արթնանան, երևի պետք է հասնեն Երևան, մարդկանց ննջարաններ:

Արդեն ժամանակն է սթափվելու, հասկանալու, որ այս իշխանությունները որևէ բան չեն կարող անել, առոչինչ են իրենց տեսակով, դրա համար հեշտությամբ զիջում են մեր երկիրը: Նրանք կարողանում են շատ սառնասրտորեն ստել, թե Հայաստանը ոչ մի միլիմետր հող չի զիջում:

Նիկոլ, դու քանդեցիր մեր երկիրը, բաժանեցիր հասարակությանը, սրանից հետո էլ ի՞նչ ես ուզում»:

Շիրինյանի խոսքերով, Փաշինյանը միշտ նախկիններին է մեղադրում, սակայն նախկինները վաղուց չկան. «Ես անձամբ ճանաչում եմ նրան, ու գիտեմ, որ նա ապաշնորհ է: Թուրքն արդեն բախում է մեր դուռը:

Դու ստորագրել ես այդ ստորացուցիչ փաստաթուղթը: Իսկ հիմա արդեն պարզվում է, որ բանավոր պայմանավորվածությամբ զիջում է Հայաստանի տարածքները»:

«Օր առաջ, վայրկյան առաջ սրանց պետք է վռնդել այստեղից»,-հավելեց նա: