Ցանկացել է հանդիպել, ես չեմ մերժել ու հանդիպել եմ: Ինչ ասել եմ հրապարակային, ասել եմ եմ նաև նրա երեսին: Այս մասին լրագրողների հետ զրույցում հայտարարեց Գագիկ Ծառուկյանը՝ խոսելով Նիկոլ Փաշինյանի հետ ընդամենը 10 րոպե տևած հանդիպումից հետո:

«Ես ասել եմ, որ ստեղծված իրավիճակից դուրս գալու միակ ելքն իր հրաժարականն է, վայրկյան շուտ: Եթե դա ընդունելի կլինի, կխոսենք»,-ասել է նա՝ հրաժարվելով ասել, թե ինչպես է Փաշինյանն արձագանքել:

Արդյո՞ք կմասնակցեն ընտրություններին, եթե դրանք ամեն դեպքում կայանան, Ծառուկյանը հարցին չի պատասխանել: