Արտակարգ իրավիճակների նախարարությունը տեղեկացնում է, որ ՀՀ տարածքում կան փակ և դժվարանցանելի ավտոճանապարհներ։ Արագածոտնի մարզի Ամբերդ ամրոց և Քարի լիճ տանող ավտոճանապարհները փակ են։ Վարդենյաց լեռնանցքը կցորդիչով բեռնատարների համար դժվարանցանելի, իսկ մյուս տրանսպորտային միջոցների համար՝ բաց։ Շիրակի մարզի Արթիկ-Ալագյազ և Կոտայքի, Սյունիքի մարզերի ավտոճանապարհներին տեղ-տեղ առկա է մերկասառույց։ Լարսի մասին Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տիպի տրանսպորտային միջոցների համար։ ՀՀ ԱԳՆ-ից ստացված տեղեկատվության համաձայն՝ օտարերկրացիների՝ Վրաստան մուտքն արգելող որոշումը շարունակում է ուժի մեջ մնալ։ Արգելքը չի վերաբերում բեռնափոխադրումներին: Վարորդներին խորհուրդ է տրվում երթևեկել բացառապես ձմեռային անվադողերով։
Շարունակվում է շախմատի միջազգային Airthings Masters առցանց մրցաշարը։ Երեկ երեկոյան ավարտվեց քառորդ եզրափակիչ փուլը։
Հայաստանի շախմատի հավաքականի առաջատար Լևոն Արոնյանը փայլուն հանդես եկավ Հիկարու Նակամուրայի դեմ: 1/4 եզրափակչի առաջին օրը նա 1 հաղթանակ տարավ և 3 պարտիա ավարտեց ոչ-ոքի, իսկ երկրորդ օրն իրար հետևից երկու տպավորիչ հաղթանակ տարավ, ինչից հետո 3-րդ և 4-րդ պարտիաներ խաղարկելու անհրաժեշտություն այլևս չկար: Արոնյանը դուրս եկավ կիսաեզրափակիչ, որտեղ կմրցի ֆրանսիացի Մաքսիմ Վաշյե-Լագրավի հետ:
