Կարմիր խաչը չի աշխատում, հերիք չէ, հենց նոր տվյալներ ունեցանք, որ նաև մեր պաշտպանության նախարարությունն էլ չի ուզում աշխատել, այս հարցը էլի գցում են հետին պլան։  Այս մասին ֆեյսբուքյան իր տեսաուղերձում ասել է Արցախում եղբորն ու եղբորորդուն որոնող Արսեն Ղուկասյանը:

«Սկզբում մտածում էին, թե Կարմիր խաչն է որոշել մինչև հունվարի 8-ը չաշխատել։ Որոշվեց, որ եթե չաշխատեն, կփորձենք առանց Կարմիր խաչի էլ աշխատանքներ կատարել։ Չնայած դա կարող է խոչընդոտներ հարուցել։ Այսօր ևս խոչընդոտներ են եղել երեկվա խոստացված 5 ուղղության փոխարեն այսօր 1 ուղղությամբ են աշխատել։»,- ասել է Ղուկասյանը,- շարունակելով,- «Կարմիր խաչը չի աշխատում, հերիք չէ, հենց նոր տվյալներ ունեցանք, որ նաև մեր Պաշտպանության նախարարությունն էլ չի ուզում աշխատել, այս հարցը էլի գցում են հետին պլան։ Այսինքն, մարդիկ պետք է այստեղ մինչև ամսի 10-11-ը նստեն, սպասեն, մինչև պարոնայք էլի որոշեն շարունակել որոնողական աշխատանքները։

«Բացի այդ, այսօր իմացա, որ մեր ծնողներից մեկը խնդրել է, որ վարչապետը ընդունի ծնողներին, որ էլի հարցեր կան քննարկելու։ Պատասխան է հնչել, որ հիմա վարչապետը չի կարող ընդունել, զբաղված է Ամանորյա ուղերձով։ Գժվե՞լ եք ընդհանրապես, ձեր ուղեղը ընդհանրապես «զադնի» եք դրե՞լ, ի՞նչ նոր տարվա ուղերձ, այս երեխեքի հարցը ձեր նոր տարվա ուղերձից կարեւո՞ր է։ Ես գիտեի, որ ձեր մտածելու «դիոդը» չի միանում, բայց որ ընդհանրապես այդ «դիոդը» չկա, համոզվեցի։ Ինչքա՞ն եք շարունակելու ձեզ այսպես պահել, վերջը ուզում եք իսկապե՞ս այս ծնողներին սարքել հանցագործ։ Հեսա կգամ Երևան, սև նոր տարի կբերեմ գլխներիդ։ Մեր երեխեքը քանի ամիս է՝ չկան, օրական թուրքերը նոր վիդեոներ են գցում, որ երեխեքին այնտեղ կոտորում են, դուք այսօր մտածում եք նոր տարվա մասի՞ն։ Այս տեմպերով դուք ձեր նպատակին կհասնեք, սև նոր տարի կբերեմ գլխներիդ, շատ երկար կհիշեք այս նոր տարին»,-ասել է նա։