Սա դիտավորությամբ կատարված հանցագորոծթյուն է: Այս մասին Tert.am-ի հետ զրույցում ասաց «Հայրենիք» կուսակցության անդամ Բաբկեն Հարությունյանը՝ անդրադառնալով իր մեքենայի վնասելուն, ինչի մասին իր ֆեյսբուքյան էջում հայտնել է նա և հրապարակել լուսանկարներ.

«Նպատակը եղել է վնասելով մեքենան ինձ վախեցնել, խոչընդոտել իմ քաղաքական պայքարին, քանի որ մինչ այդ էլ ինձ բազմաթիվ անգամ բերման են ենթարկել Ոստիկանություն, նույնիսկ քրեական գործ կա իմ դեմ հարուցված՝ ապօրինի հավաքներ կազմակերպելու մեղադրանքով»,-ասաց նա և նշեց, որ սա միանշանակ քաղաքական հետապնդում է, էժան խուլիգանական արարք:

«Ընդամենը երկու օր առաջ Ազգային ժողովում էլ տեղի ունեցավ միջադեպ՝ իմ և «Շիշ բռնող» մանկանվամբ հայտնի Հայկ Սարգսյանի միջև»,- հիշեցրեց նա: