Ֆրանսիայի 15 դեպարտամենտներում, որոնք առավելապես տուժել են կորոնավիրուսային համաճարակից, երկարացրել են պարետային ժամը։ Այս մասին  հայտարարել է երկրի  կառավարության պաշտոնական ներկայացուցիչ  Գաբրիել Աթալը:

2021 թվականի հունվարի 2-ից պարետային ժամը 20: 00-ի փոխարեն կգործի 18: 00-ից:

Կառավարության խոսնակը բացառել է  մշակութային հաստատությունների աշխատանքը վերսկսելու հավանականությունը, քանի որ վիրուսը  շարունակում է  արագ տարածվել:

2020 թվականի Հոկտեմբերի 30-ից ,կորոնավիրուսի երկրորդ ալիքով պայմանավորված,  Ֆրանսիայում սահմանեց երկրորդ խստացված  կարանտինը, իսկ  դեկտեմբերի 15-ից այն փոխարինվեց պարետային ժամով։

ԱՀԿ վերջին տվյալների համաձայն, Ֆրանսիայում կորոնավիրուսով վարակվածների  թիվը գերազանցել է 2,5 միլիոնը, մահացել է 64 հազար մարդ: