Ֆրանսիայում մեկնաբանել են  Մեծ Բրիտանիայի վարչապետ Բորիս Ջոնսոնի հոր` ֆրանսիական քաղաքացիություն ստանալու ցանկությունը՝ ընդգծելով, որ բրիտանացիները, «Բրեքզիթ»-ից (Մեծ Բրիտանիայի դուրս գալը ԵՄ կազմից) անկախ, շարունակում են սիրել Եվրամիությունը:

Ինչպես նշում է rossaprimavera.ru-ն, այս մասին ասել է  Ֆրանսիայի Եվրոպայի և արտաքին գործերի հարցերով պետքարտուղար Կլեման Բոնը՝ ընդգծելով, որ Մեծ Բրիտանիայի վարչապետի հոր ցանկությունն ի ցույց է դնում բրիտանացիների շրջանում ԵՄ-ի նկատմամբ կայուն տրամադրվածությունը:

«Եթե պարոն Ջոնսոնի հայրը ֆրանսիական քաղաքացիություն ստանալու իրավունք ունի, ցանկանում է Եվրոպայի և Ֆրանսիայի քաղաքացի դառնալ, ապա մենք կուսումնասիրենք դա: Սա ինձ համար ակնարկ է առ այն, որ շատ բրիտանացիներ տարբեր կերպ, բայց դեռևս սիրում են Եվրոպան»,-ասել է պաշտոնյան:

Աղբյուրը հիշեցնում է, որ Ջոնսոնի 80-ամյա հայրն իր որոշումը բացատրել էր նրանով, որ իր մորական կողմը Ֆրանսիայից է, ուստի ինքն իրեն եվրոպացի է  համարում: