Իրանը և Ռուսաստանը նախապատրաստում են հանդիպում՝ նոր կորոնավիրուսային հիվանդության պատվաստանյութի համատեղ արտադրությունը քննարկելու նպատակով: Այս մասին Известия թերթին տված հարցազրույցում ասել է ՌԴ-ում Իրանի դեսպանը:

«2020 թվականի ապրիլ-հոկտեմբեր ամիսներին Իրանի և ՌԴ նախագահների ունեցած հեռախոսազրույցների ընթացքում ընդգծվել է Իրանի հետաքրքրվածությունը ՌԴ-ի հետ համատեղ կորոնավիրուսի դեմ պատվաստանյութ արտադրելու հարցում: Այս պահին ուսումնասիրվում է պատվաստանյութի վերաբերյալ ռուսական փաստաթղթերը: Որոշված է, որ շուտով հանդիպում է կայանալու»,- ընդգծել է դեսպանը:

Վերջինս նաև նշել է, որ չնայած այն հանգամանքին, որ այժմ Թեհրանում մարդկանց վրա փորձարկվում է իրանական առաջին պատվաստանյութը՝ «Իրանի կորոնա»- ն, Իրանը շարունակում է հետաքրքրված լինել այլ արտադրվող պատվաստանյութերով՝ այդ թվում ռուսականով:

Հիշեցնենք, որ ՌԴ-ում գրանցվել է կորոնավիրուսի դեմ 2 տեղական պատվաստանյութ: